Birgunj MahanagarpalikaBusinessNational NewsParsa Newsप्रदेश २

वीरगन्जबाट २३ किलो सुन बरामद

२०७७ कार्तिक ०१ — पर्साको वीरगन्ज महानगरपालिका-५ रेशम कोठीबाट करिब २३ किलो सुन र २ किलोभन्दा बढी चाँदी बरामद भएको छ ।

विशेष सुराकीको आधारमा प्रहरीले शनिबार अपराह्न वीरगन्ज महानगरपालिका–५ रेशमकोठीस्थित श्री गणेश अर्पाटमेन्टको ३०३ नम्बरको फ्ल्याटबाट २३ केजी दुई सय ७५ ग्राम सुन र दुई केजी २ सय ६२ ग्राम चाँदीको गर गहना बरामद गरेको प्रहरी उपरीक्षक गंगा पन्तले बताइन् ।अपार्टमेन्टका सुरक्षागार्डका अनुसार उक्त नम्बरको फ्ल्याट भारतीय नागरिक अशोक सिन्हाको हो । उनी भारत पूर्वी चम्पारण हरैयाका बासिन्दा हुन् । सिन्हा रक्सौल कस्टमका क्लियरिङको काम गर्छन् । सिन्हाका भाई प्रमोद कुमार सिन्हा बिहार विधानसभा निर्वाचनमा रक्सौल विधानसभा १० का भारतीय जनता पार्टी (भाजपा) का उम्मेदवार हुन् । विधानसभा निर्वाचन अन्तर्गत तेस्रो चरणमा नोभेम्बर ७ मा त्यस क्षेत्रमा निर्वाचन हुने जनाइएको छ ।

‘विगत २ दिनदेखि अपार्टमेन्टको निगरानीमा थियौं, अवैध सुन राखिएको छ भन्ने सुचना आएको थियो,’ एसपी गंगा पन्तले भनिन्, ‘फ्ल्याट धनीलाई बिहानसम्म कुर्‍यौं । बन्द रहेको फ्ल्याटमा कोही नआएपछि स्थानीय जनप्रतिनिधिको रोहबरमा खनतलासी गरेका हौँ । सुनका विस्कुट र गर गहना बरामद भएका छन् ।’

स्राेत ः कान्तिपुर दैनिक

Show More

Related Articles

Back to top button

Adblock Detected

Please consider supporting us by disabling your ad blocker